Storybird

Usando a ferramenta Story Bird, creamos un breve conto destinado tanto ó primeiro coma o segundo ciclo de educación Infantil, sobre un poliño chamado Piti, con síndrome de Down, que consigue ser un máis no seu colexio grazas a axuda dos seus compañeiros e compañeiras: 

Icía Abella

Uxía Insua

Revista Mestra Infantil

Revista “Maestra Infantil” Nº19

Artigo: Educación Especial e Integración. Desorden deficitario de la atención. Prof. Marcela Gómez.

1.Explicación do artigo, por medio dun breve resumo, xa que contiña moita información:

O Desorde deficitario da atención/hiperactividade (AD/HD)  foi nomeado así pola Asociación Americana de Psiquiatría en 1994. A pesar disto, moitos especialistas o seguen denominando ADD, nome dado en 1980.

Existen tres subtipos de ADD:

·       AD/HD de tipo combinado

·       AD/HD con predominio de falta de atención

·       AD/HD de tipo hiperactivo-impulsivo

As características xerais dos nenos/as con ADD son as seguintes:

-      Na aula amósanse tranquilos, ata algo inhibidos, pero que non logran centrar a atención na proposta didáctica.

-      A súa falta de atención é constante e teñen dificultades para realizar ou concluír as actividades.

-      Pode prestar atención á actividade en momentos puntuais, pero axiña abandonan á/ó docente e o traballo a realizar debido á súa hiperactividade e dificultade para controlar os seus impulsos.

Algunhas pautas para ter en conta á hora de traballar con nenos que presentan AD/HD son:

·       Eloxiar ó/á neno/a cando teña un logro e alentalo ante o erro.

·       Solucionar os problemas de maneira organizada.

·       Proporcionar un ambiente estruturado e predicíbel.

·       Prever un espazo tranquilo a utilizar segundo as necesidades.

·       Colocalo xunto a nenos/as que lle dean exemplos positivos.

·       Proporcionar descansos frecuentes.

·       Utilizar técnicas para chamar a atención.

·       Modificar a proposta pedagóxica, tendo en conta que “menos é máis”.

·       Utilizar repostas activas como “Instrución”

·       Ante a imposibilidade ou dificultade para que agarde a súa quenda, pódeselle proporcionar outra actividade que facer mentres.

·       Propoñer xogos par que recorde o material de maneira rutinaria.

·       Utilizar os gustos do alumno para programar propostas de traballo que lle resulten de interese.

·       Antes de que abandone a clase, recordarlle que comprobe onde deixou as súas cousas para que ó día seguinte poida atopalas con facilidade.

2.Opinión persoal do artigo:

O artigo amosa de maneira breve e sinxela, os seguintes puntos: A orixe do término “Desorde deficitario de atención/hiperactividade”, os subtipos deste desorde que existen, as características que posúen as persoas afectadas e algunhas pautas para poder traballar con nenos/as con AD/HD no aula.

Pareceunos moi interesante, pois trata un tema que está bastante en voga actualmente, sobre o que se necesita proporcionar máis información, tanto ás familias como ós/ás mestres/as, xa que existen unha gran cantidade de diagnósticos equivocados deste trastorno en nenos/as, incluso acabando, nalgúns casos, por cambiar o diagnóstico cara a Altas Capacidades, causa que explica esa falta de atención en moitos deses nenos/as mal diagnosticados.

Polo tanto, parécenos unha moi interesante contribución para unha revista dirixida a mestres e mestras de educación infantil, xa que pode dar pé a que investiguen e se informen máis sobre o tema, a modo de chamada de atención, e tamén como axuda para integrar a este tipo de alumnado no aula, de maneira moito máis efectiva.

Icía Abella

Uxía Insua

Pictogramas

Comentario dunha secuencia de rutinas

Esta ficha de rutina con pictogramas trata o tema de ir ó baño para unha persoa que usa cueiro. Amosa o que esa persoa debe facer, en orde:  Primeiro de todo, baixar o pantalón e a roupa interior, a continuación, sentarse e quitarse o cueiro, apertar para facer as necesidades, limparse ó acabar, subir a roupa interior e o pantalón, tirar da cadea, lavarse as mans, e finalmente secalas. Os niveis nos que se poden usar esta ficha son: E. Infantil, E. Especial, E. Primaria, TVA (Transición Vida Adulta), Anciáns e Centros Ocupacionais. Vai dirixida a persoas con TXD, Acnees/Reforzo Educativo, anciáns, persoas con discapacidade intelectual e persoas con deficiencia na produción da fala. Favorece o coñecemento de si mesmo e a autonomía persoal.

 Á hora de fixarnos ben nas ilustracións da ficha e con respecto a outras da mesma autora, notamos un ápice de sexismo e separatismo ó facer unha para un neno e outra para unha nena, en vez de para persoas en xeral, ademais de que o único caso no que aparecía unha persoa con saia era no caso da nena, dando continuidade ós roles de xénero clásicos. Finalmente, tamén apreciamos certa falta de sentido nas ordes da rutina, pois séntase primeiro antes de sacar o cueiro, e non indica á persoa que debe poñer de novo outro cueiro limpo despois de limparse.

Icía Abella

Uxía Ínsua